سایت موسیقی و شعر ساز سؤز آذربایجان

(اوستاد شاطریانین اوغلو)
اؤز ديليندن :

بئش آلتي ياشيم واريدي آتامين تارينا ناغارا چاليب اوخويارديم هله استانبول‌دا اولدوغوموز زمانلار آتام اولان استانبول کانسرواتورياسينين اورکسترينده تولو (جوجه‌لر ماهني‌سين) اوخوموشام. سئويرديم کي تار يوخ آيري بير ساز چالام آنجاق آتامين مصلحت گؤردويونه گورا تار آلتين سئچديم بو يولدا آتام چوخ زحمتلر چکدي گئجه, گونوز واختلي واخت‌سيز هر زمان منله چاليشاردي منيم ايلک کانسرتيم تبريز دانشگاهينين وحدت سالونوندا تريو شکلينده اولوبدور بوردا من اؤلکه‌ميز گنج و ديرلي کامانچا معلّيمي آقاي مهندس صابر مهارتي و آقاي دکتر ياشار ايلخچوئي‌نين ناغاراسيله چيخيش ائتميشيک و بو کانسرت کي دهة فجر مراسيمينه تبريز راديو و تلويزيون ادراه‌سينين طرفيندن تشکيل ائديلميشدي بورادا آتام ـ اوستاد محمود شاطريان, اوستاد علي فرشباف و اوستاد علي سليمي و شهريميزين بير آيري بؤيوک موسيقي‌چي‌لرينده اشتراکي واريدي.

بيز بايات شيراز موغاميندان بير پارچا چالديخ.

1367 اينجي ايلده آتام مني اوستاد اسماعيل‌زاده‌نين امور تربيتي اورکسترينه تانيتيردي بيز بو اورکسترله تبريزده و هابئله ايرانين باشقا شهرلرينده و فستيوال‌لاردا اشتراک ائديب لاييقلي يئرلر توتدوخ.

سؤزو چوخ اوزاتماغا گلمز 1368 اينجي ايلينده نيشابور شهرينه دانش‌آموزلار فستيواليندا تکنوازي و گروهي ايشده بيرينجي يئر توتموشام.

1375 ينجي ايلده بين‌المللي فجر فستيواليندا قاردا بيرينجي يئر ـ

1377 ينجي ايلده کشور دانشجولارينين ايچينده تار و پيانو دؤتينده ژوري هئتينين طرفيندن تقديره لاييق گؤرونموشم.

1379 ينجي ايلده کرماندا کئچن ايران محلي موسيقي‌لرينده قاردا اوختاي شادي ايله برابر بيرينجي يئر توتموشدو.

اوستاد شاطريان آموزشگاهين آدينا جوانلار خالق چالغي آلتلري آرکستريني رهبرليک ائتميشم.

آتاملا برابر ايراندا و ايراندان خاريجده چوخلو کانسرتلر وئرميشيک.

ايندي آذربايجان رئسپوبليکاسينين نخجوان اونيورستيتينده, اينجه صنعت فاکولته‌سينده خالق چالغي آلتلري شعبه‌سينده تار اختيصاسيندا اوزره سونونجو ايلده طلبه‌يم.

آيدين شاطريان اوستاد محمود شاطريانين ياديگاري‌دير, بوتون آذربايجان موسيقي سئون‌لره آيدين اوزونه عاييله اولان بير اوسلوبدا ماهير تارچي کيمي چاليشير = اونا بؤيوک نائلييتلر و اوغورلار آرزولاييب و بؤيوک آللاهدان آناسينين روحونا رحمت ديله‌ييريک

Aydin Şatryan

Öz dilindən

Beş alti yaşım varidi atamın tarına nağara çalıb oxuyardım hələ İstanbulda olduğumuz zəmanlar atam olan İstanbul kansrvaturyasının orkesterində tülü (cücələr mahnısın) oxumuşam. Sevirdim ki tar yoz ayri bir saz çalam ancaq atamın məsləhət gördüyünə gora tar alətin seçdim bu yolda atam çox zəhmətlər çəkdi gecə, günüz vaxtli vaxtsız hər zəman çalışardi mənim ilk kansertim Təbriz danişgahının vəhdət salonunda triv şəklində olubdur burada mən ölkəmiz gənc və dəyərli kamança müəllimi aqaye mühəndis Sabir Məharəti və aqaye döktür Yaşar İlxçuinin nağarasilə çıxış etmişik və bu kansert ki dəheye fəcr mərasiminə Təbriz radyo və telvizyon idarəsinin tərəfindən təşkil edilmişdi burada atam – ustad Məhmud Şatryan, ustad Əli Fərşbaf və ustad Əli Səlimi və şəhərimizin bir ayri böyük musiqiçilərində iştirak varidi.

Biz byat Şiraz muğamından bir parça çaldıx.

1367 inci ildə atam məni ustad İsmayilzadənin umur tərbiyəti orkesterinə tanıtırdi biz bu orkesterlə Təbrizdə və habelə İranın başqa şəhərlərində və festivallarda İştirak edib layiqli yerlər tutdux.

Sözü çox uzatmağa gəlməz 1368 inci ilində Neyşabur şəhərinə danişamuz fstivalında təknəvazi və guruhi işdə birinci yer tutmuşam.

1375 inci ildə beynəlmiləli fəcr fstivalında qarda birinci yer –

1377 inci ildə keşvər dnişcularının içində tar və piyano dötində juri heyətinin tərəfindən təqdirə layiq görünmüşəm.

1379 inci ildə Kermanda keçən İran məhəlli musiqiçilərində qarda oxtay şadi ilə bərabər birinci yer tutmuşdu.

Ustad Şatryan amuzişgahın adına cəvanlar xalq çalği alətləri rəhbərlik etmişəm.

Atamla bərabər İranda və İrandan xaricdə çoxlu kanesrtlər vermişik.

İndi Azərbaycan respublikasının Nəxcvan üniversitetində, incə sənət fakültəsində xalq çalği alətləri şö`bəsində tar ixtisasında üzərə sonuncu ildə tələbəyəm.

Aydin Şatryan ustad Məhmud Şatryanın yadigaridir, bütün Azərbaycan musiqi sevənlərə Aydin özünə ayilə olan bir uslubda mahir tarçi kimi çalışır = ona böyük nailiyyətlər və uğurlar arzulayıb və böyük allahdan anasının ruhuna rəhmət diləyirik.

مترجم سایت